39 gentur til fyrstu venjingina hjá U16

Leygardagin 25. august hevði U16 landsliðið hjá gentum sína fyrstu venjing fram ímóti EM-kappingini, sum verður í Føroyum 3. – 7. januar 2019.

Íalt 39 gentur vóru til fyrstu venjingina, sum var í Stórhøllini á Hálsi.

Aldursbólkurin eru gentur føddar 1. januar 2004 ella seinni.

Liðini, sum verða við í kappingini, eru Finland, Svøríki, Danmark, Írland, Ísland og Føroyar.

Venjarar eru Rajko Petrovic og Hans Simonsen.