Til øll feløgini!

Lýsti aðalfundurin í Flogbóltssambandi Føroya er útsettur eina viku til leygardagin 20. juni kl. 13.00 á Hotell Føroyum.

Heitt verður á feløgini at boða frá, hvussu nógv umboð tit senda til fundin. Hvørt felag hevur rætt til at hava 3 umboð. 

Vinaliga

Flogbóltssamband Føroya

Magnus Tausen
formaður


=======================================

Upprunaliga lýsingin við skrá niðanfyri:


Til øll feløgini!

Kallað verður til aðalfund í Flogbóltssambandi Føroya leygardagin 13. juni kl. 13.00 á Hotell Føroyum.

Skrá sambært viðtøkunum:

1. Val av orðstýrara

2. Starvsnevndarformaðurin greiðir frá virki FBF í farna ári

3. Framløga av grannskoðaðum roknskapi

4. Innkomin mál

5. Val av nevndum, tiltakslimum og grannskoðara

6. Ymiskt

Fyri vali standa 2 nevndarlimir og formaður.

Uppskot til nevndarlimir og formann, lógarbroytingar og annað skal verða handfarið so sum tilskilað í grein 7:

a) Á aðalfundinum kunnu lógaruppskot ikki verða viðgjørd ella lógarbroytingar gjørdar uttan so, at tað er tilskilað í fundarskránni

b) Uppskot til lógarbroytingar, uppskot til nevndarlimir, sum feløgini og starvsnevndin ætla at skjóta upp á aðalfundinum sambært grein 8.1 og uppskotið hjá feløgunum til evni til álitisstarv sambært grein 8.4 og 8.5, skulu verða starvsnevndini í hendi í seinasta lagi 14 dagar fyri aðalfundin.

Uppskotini verða so send feløgunum í seinasta lagi 8 dagar fyri aðalfundin

Vinaliga
Flogbóltssamband Føroya

Magnus Tausen
formaður