Flogbóltspanelið á FM1 fríggjadagin 8. november

Bjarni Larsen (ÍF) og Thorvald Danielsen (Mjølnir) mannaðu Flogbóltspanelið á FM1 fríggjadagin, har teir spáddu um, hvussu tað man fara at ganga í landskappingini hjá monnum og kvinnum, sum byrjar leygardagin. Hoyrið sendingina inni á in.fo her!


Eldri flogbóltspanel: 

1. november 2019: Sandra Brunke, talentskóti fyri US Volley

Hoyrið samrøðu við týsku Sandru Brunke, sum í farna mánaði var til U17 og U19 NEVZA-kappingarnar sum talentskóti fyri US Volley, og í samrøðuni við Óla G. Samuelsen, flogbóltsreportara hjá FM1, útihýsir Sandra ikki, at ein føroyskur flogbóltsspælari kann fáa eitt ítróttarstipendiat í USA.

11. oktober 2019: Smálandakappingin fyri menn 
Hoyrið flogbóltspanelið, sum var á FM1 fríggjadagin 11. oktober, har Magnus Tausen og Jens Heri B. Mortensen vóru gestir hjá Óla G. Samuelsen, og evnið var smálandakappingin, sum var í Føroyum vikuskiftið frammanundan.

4. oktober 2019: Áðrenn smálandakappingina
Flogbóltspanelið hjá FM1 var sent úr høllini á Hálsi. Hoyrið samrøður við Jamie Salvin, skotskan dómara; Rúna Weihe, hjálparvenjara og Svein Tróndarson, tekniskan leiðara fyri EM-kappingina.

27. september 2019: Beinleiðis frá ítróttarhøllini á Giljanesi, har manlandsliðið vandi
Gestir vóru landsliðsvenjarin Bárður Bendix Mikkelsen og landsliðsspælararnir Jóhan Petur á Stongum, Suni Juul Pedersen, Oskar í Haraldsstovu Weihe og Tórir Højsted. Ringt varð eisini til formannin í FBF, Magnus Tausen, sum var á ráðstevnu hjá evropeisku flogbóltssamgonguni í París.