Flogbóltssamband Føroya søkir eftir starvsfólki at standa fyri dagliga virkseminum og brynja føroyskan flogbólt til framtíðina. Virksemið er vaksandi og ambitiónirnar øktar innan føroyskan flogbólt. Tí hava vit sett okkum høg mál og vænta, at tú kanst hjálpa okkum at røkka hesum.

 

Vit vænta, at tú ert ágrýtin, álítandi og savnandi. At tú kanst arbeiða sjálvstøðugt og ábyrgdarfult. 

 

Tað er sjálvandi ein fyrimunur, um hevur tilknýti til flogbóltsheimin, men hetta er ikki eitt krav. Størri týdning hevur tað, at tú hevur áræði, megnar og vilt verða við til at geva flogbóltinum eitt hægri flog. 

 

Uppgávurnar eru bæði innan fyrisiting á skrivstovuni og praktiskar úti av húsinum, eitt nú í sambandi við kappingar og ráðstevnur. Tí kann nakað av arbeiði liggja uttan fyri vanligar arbeiðstíðir og nakað av ferðing kann koma fyri.

 

Tú hevur beinleiðis tilvísing til stjóran í FBF. Vit hava skrivstovu saman við ÍSF á Frælsinum í Havn.

 

Arbeiðið fevnir millum annað um:

 

• Dagliga fyrisiting og skrivstovuhald

• Samskifti við feløg, hallir, venjarar og dómarar

• Skipan og rakstur av lands- og steypakappingunum

• Umsitingarligar uppgávur í sambandi við heimligar og altjóða kappingar

• Samskipan av landsliðsvirksemi, skeiðsvirksemi og menningararbeiði hjá FBF

• Miðling av flogbólti í vanligum miðlum og á sosialu miðlunum, og soleiðis skapa størri áhuga fyri og økta umtalu av flogbóltinum

 

Talan er um fulltíðarstarv.

 

Starvið verður lønt eftir útbúgving og royndum.

 

Hevur tú spurningar til starvið, kanst tú skriva til Peter Holm, formann, á peter@fbf.fo ella ringja á telefon 51 77 77.

 

Umsókn, cv og viðkomandi skjøl skulu sendast til fbf@fbf.fo

 

Umsóknir skulu vera okkum í hendi í seinasta lagi 25. juli 2023 kl. 12.00.

 

Flogbóltssamband Føroya er sersamband undir Ítróttasambandi Føroya – ÍSF.

 

FBF varð stovnað í 1980 og útvið 2.000 børn, ung og vaksin íðka flogbólt í Føroyum. Umframt hetta er eitt stórt tal av sjálvbodnum virkin í feløgunum kring landið.

 

FBF skipar allar kappingar innan flogbólt í Føroyum, og stendur fyri einum umfatandi menningararbeiði og landsliðsarbeiði.

 

FBF hevur limaskap í altjóða flogbóltssambondum – norðurlendskum, evropiskum og alheims. FBF luttekur eisini her við eini røð av landsliðum í norðurlendskum og evropiskum kappingum.