Mynd: Tveir sera fegnir leikarar eftir dystin í dag; Jakobina Joensen, KÍF, vinstrumegin og Inga Helena Henriksen, SÍ, høgrumegin

Hóast eina katastrofala byrjan, har Føroyar komu afturút 8-0 móti Skotlandi í fyrsta setti, so vann U-19 landsliðið hjá kvinnum 3-1 á skotum.

Fyrsta settið vunnu skotar 25-21, eftir at Føroyar vunnu seg nógv inn aftur í dystin eftir vánaligu byrjanina.

Annað settið tóku Føroyar 25-21, og sama uppskrift varð brúkt í øðrum setti, hóast Føroyar vóru aftanfyri stóran part av settinum.

Triðja settið gjørdist sera spennandi, eftir at liðini fylgdust frá 17-17 og skiftust um at verða frammanfyri - men Føroyar vunnu 27-25.

Seinasta settið var rein uppvísing frá Føroyum. Hetta settið endaði 25-14, og harvið hava Føroyar tryggjað sær fyrstu stigini í kappingini.

Jákup Villiam Sivertsen, hjálparvenjari, sigur, at samanumtikið var føroyska liðið betri enn tað skotska, men at spælararnir vóru sera nervøsir við byrjan á fyrsta settinum.

Næsti dystur hjá Føroyum verður í morgin mánadagin klokkan 15.00 móti Luxemborg, sum verður mett at verða eitt tað sterkasta liðið í bólkinum.

Rás2 segði beinleiðis frá dystinum.
Hoyr her hvussu tað ljóðaði tá Óli G. Samuelsen á Rás2 segði frá teimum avgerandi bóltunum í teimum fýra settunum. Hanna Helena Weihe Simonsen var viðmerkjari til dystarfrásøgnina. 

Og hoyr her samrøðurnar Óli gjørdi við Jakobinu Joensen, Ingu Helena Henriksen og Jákup William Sivertsen, venjara.

47 myndir á Facebook her!
 

Inga Helena Henriksen gjørdist besti móttøkuleikari í dystinum í dag sambært statistikkinum hjá CEV. Hon hevði 37 % perfektar móttøkur. Nr. 2 var Sára Rannváardóttir Vatnhamar, sum hevði 30 %, meðan Hilda Bolstad Mortensen var á einum 5 plássi við 7 %.



Sára Maria Johansen gjørdist besti blokkleikari í dystinum í dag sambært statistikkinum hjá CEV. Hon hevði  4 perfektar blokkar.

Týsdagin spælir liðið tveir dystir. Tann fyrri byrjar klokkan 9.00 týsmorgun og verður ímóti Liktinstein. Klokkan 15.00 týsdagin spæla Føroyar seinasta dystin ímóti Wales.

Á føroyska liðnum eru:

Úr Fleyr:
Hanna Iansdóttir Biskopstø
Barbara Durhuus
Hilda Bolstad Mortensen
Sára Rannváardóttir Vatnhamar

Úr Drátti:
Petra Sunadóttir Hansen

Úr TB:
Sára Maria Johansen

Úr KÍF:
Elsa Samuelsen
Jakobina Joensen

Úr SÍ:
Malan Maria í Haraldstovu Weihe
Turið Búadóttir
Inga Helena Henriksen
Eva Gunn Niclasen

Føroysku venjararnir eru: Romica Øster og Jákup Villiam Sivertsen